...

Bakıda soyğunçuluq etmiş 4 gənc tutulub

Hadisə Materials 25 Avqust 2014 11:18
Bakıda soyğunçuluq törətməkdə şübhəli bilinən gənclər tutulub.
Bakıda soyğunçuluq etmiş 4 gənc tutulub

Trend-i buradan izləyin

Azərbaycan, Bakı, 25 avqust /Trend, müxbir İlkin İzzət/

Bakıda soyğunçuluq törətməkdə şübhəli bilinən gənclər tutulub.

Bakı Şəhər Baş Polis İdarəsinin (BPİ) mətbuat xidmətindən Trend-ə verilən məlumata görə, avqustun 19-da R.Behbudov küçəsində iki naməlum şəxs Bərdə rayon sakini Zöhrab Hüseynovu döyərək 560 manatını və mobil telefonunu alıblar.

İdarənin Təhlükəsiz Şəhər Xidməti (TŞX) və Nəsimi Rayon Polis İdarəsi (RPİ) 22-ci Polis bölməsi (PB) əməkdaşlarının keçirdiyi əməliyyat tədbirləri nəticəsində soyğunçuluqda şübhəli bilinən 1996-cı il təvəllüdlü Araz Novruzov və 1997-ci il təvəllüdlü Fərid Şəmməmmədov tutulublar.

Bakıda digər soyğunçuluq cinayətinin də üstü açılıb. Belə ki, avqustun 16-da Xətai prospektində naməlum şəxs Bakı şəhər sakini Ələsgər Fətullayevin üz nahiyəsindən yumruqla vuraraq cibində olan 1000 manat pulunu götürüb qaçıb. Bakı şəhər BPİ TŞX və Nəsimi RPİ 22-ci PB əməkdaşlarının keçirdiyi əməliyyat tədbirləri nəticəsində soyğunçuluqda şübhəli bilinən 1994-cü il təvəllüdlü Cahangir Eyvazov və 1993-cü il təvəllüdlü Rəşad Dadaşzadə tutulublar.

Məqalədə:
Xəbər lenti

Xəbər lenti