Azərbaycan, Bakı, 13 avqust /Trend, müxbir Elmir Murad/
Azərbaycanda daxili işlər orqanları tərəfindən gün ərzində 59 cinayət faktı qeydə alınıb.
Trend Daxili İşlər Nazirliyinin saytına istinadən xəbər verir ki, qeydə alınan hadisələrin 20-i "isti izlər"lə açılıb.
Belə ki, Cinayət Məcəlləsinin müxtəlif maddələri ilə axtarılan 18 nəfər tutularaq istintaq orqanlarına təhvil verilib. Respublikanın avtomobil yollarında 3 yol-nəqliyyat hadisəsi baş verib, nəticədə 2 nəfər ölüb, 1 nəfər yaralanıb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 3 fakt müəyyən edilib. Cinayət törətdiklərinə görə 31 nəfər tutulub.