Azərbaycan, Bakı, 19 oktyabr /Trend, müxbir Elmir Murad/
Tovuz rayonununda yol nəqliyyat hadisəsi baş verib.
Daxili İşlər Nazirliyindən Trend-ə verilən məlumata görə, hadisə rayonun Düz-Qırıqlı kəndində baş verib.
Kənddə Şəmkir rayon sakini Oqtay Hacıyevin idarə etdiyi "VAZ-21063" markalı və Bakı şəhər sakini Fərhad Bədəlovun idarə etdiyi "Mercedes" markalı avtomobillər toqquşub.
O.Hacıyev hadisə yerində infarktdan ölüb.
Faktla bağlı Baş Dövlət Yol Polisi İdarəsi tərəfindən araşdırma aparılır.