Bakı. Trend:
Zaqatalada tülkü kəndə hücum edib. Hadisə gecə rayonun Aşağı Tala kəndi ərazisində qeydə alınıb.
Trend Region TV-yə istinadən xəbər verir ki, kənd sakini Elnur Musayev səhər saatlarında heyvanlara yem vermək məqsədilə toyuq hininə girdikdə gördüklərindən dəhşətə gəlib. Tülkü divardan keçərək həyətə soxulub, 7 hind quşunu, 15-ə yaxın toyuğu boğaraq öldürüb və parçalayıb.
Kənd sakinlərinin qənaətinə görə indiyədək həmin tülkü 100-ə yaxın toyuq-cücəni öldürüb.
Ev sakini Elnur Musayev tələ qurmaq fikrinə düşüb. Axşam tülkü tələyə düşüb.
Ümumiyyətlə, sakinlər kənddə vəhşi heyvanların, eləcə də sahibsiz itlərin sayının artmasından gileylənirlər.