Bakı. Trend:
İndoneziyanın Sulavesi adasının yaxınlığında 5.2 bal gücündə zəlzələ baş verib.
Trend-in "RİA Novosti"yə istinadən verdiyi məlumata görə, zəlzələnin episentri 68 kilometr Sanqixe adasından cənub-şərqdə olub. Zəlzələnin ocağı 34 kilometr Sulavesi dənizinin səthi altında yerləşib.
Zəlzələ nəticəsində xəsarət alanlar və dağıntılar barədə məlumat daxil olmayıb. Sunami təhlükəsi yoxdur.