Bakı. Trend:
Neftçalada dənizdə batan 28 yaşlı gəncin meyiti çıxarılıb.
Fövqəladə Hallar Nazirliyindən Trend-ə verilən məlumata görə, Böhran Vəziyyətlərində İdarəetmə Mərkəzinə Neftçala rayonunda 1 nəfərin dənizdə (ən yaxınlıqdakı xilasetmə məntəqəsindən 8 km aralı, nəzarətsiz ərazidə) batması barədə məlumat daxil olub.
Dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub və 1989-cu il təvəllüdlü Təbriz Bağırov Abasət oğlunun cəsədi batdığı yerdə tapılıb çıxarılaraq aidiyyəti üzrə təhvil verilib.
Əməliyyat saat 19:35-də başa çatıb.