Bakı. Samir Əli - Trend:
Azərbaycan Texnologiya Universitetinin Mətbuat Xidmətindən Gəncədə yerləşən universitetin müəlliminin Bakı şəhər sakininə qarşı dələduzluq etməsi ilə bağlı məsələyə münasibət bildirilib. Mətbuat Xidmətindən Trend-ə bildiriblər ki, belə bir məsələnin Azərbaycan Texnologiya Universiteti ilə heç bir əlaqəsi yoxdur.
X X X
Gəncədə yerləşən Azərbaycan Texnologiya Universitetinin müəllimi Bakı şəhər sakininə qarşı dələduzluq edib.
Trend-in məlumatına görə, bu barədə Gəncə şəhər Baş Polis İdarəsinə Bakı şəhəri, Nəsimi rayonu, 3-cü mikrorayon, H.Əliyev küçəsi, 4 ünvanda yaşayan Lətifova Vəsilə Qardaşxan qızı ərizə ilə müraciət edib. Bildirib ki, Universitetin Musa adlı müəllimi oğlu Lətifov Xəyal Vəli oğlunu adıçəkilən universitetə qəbul etdirmək üçün ondan 2011-ci ildə 25 min manat, qızı Lətifova Səyyarə Vəli qızını isə Gəncə Müəllimlər İnstitutuna qəbul etdirmək üçün 2012-ci ildə 13 min 500 manat alıb. Lakin həmin şəxs onu aldadıb.
Faktla bağlı Gəncə şəhər Baş Polis İdarəsində araşdırmalara başlanıb.