...

Keçmiş məhkum narkotiklə saxlanılıb

Hadisə Materials 7 May 2019 23:21 (UTC +04:00)
Zeyqəm Məmmədov polis əməkdaşları tərəfindən saxlanılaraq şöbəyə gətirilib.
Keçmiş məhkum narkotiklə saxlanılıb

Trend-i buradan izləyin

Bakı. Trend:

Saatlı Rayon Polis Şöbəsinin əməkdaşları tərəfindən narkotiklərin qanunsuz dövriyyəsinin qarşısının alınması, həmin əməlləri törədən şəxslərin aşkar edilərək məsuliyyətə cəlb olunmaları istiqamətində əməliyyat tədbiri həyata keçirilib.

Daxili İşlər Nazirliyinin Mətbuat Xidmətinin Şirvan regional qrupundan Trend-ə verilən məlumata görə, narkotik vasitələrin qanunsuz dövriyyəsi ilə məşğul olmaqda şübhəli bilinən, əvvəllər məhkum olunmuş Saatlı rayonu Azadkənd kənd sakini Zeyqəm Məmmədov polis əməkdaşları tərəfindən saxlanılaraq şöbəyə gətirilib.

Şöbədə onun üzərində şəxsi axtarış keçirilən zaman əlindəki polietilen torbadan ümumi çəkisi 265 qram, ona məxsus fərdi yaşayış evinin həyətindəki tikilidən isə ümumi çəkisi 130 qram narkotik vasitə hesab olunan qurudulmuş marixuana aşkar edilərək götürülüb.

Faktla bağlı Saatlı RPŞ-nin İstintaq bölməsində Cinayət Məcəlləsinin müvafiq maddələri ilə cinayət işi başlanılıb, istintaq gedir.

Məqalədə:
Xəbər lenti

Xəbər lenti