Bakı. Samir Əli - Trend:
Bakıda narkotik alverçisi yaxalanıb.
Trend-in məlumatına görə, hadisə paytaxtın Suraxanı rayonunda baş verib.
Suraxanı rayon Polis İdarəsinin 30-cu Polis Bölməsinin əməkdaşları narkotik vasitələrin qanunsuz dövriyyəsi ilə mübarizə məqsədilə rayon ərazisində əməliyyat keçirib.
Keçirilən əməliyyat nəticəsində əvvəllər narkotik vasitələrin qanunsuz dövriyyəsində təqsirləndirilərək məhkum olunmuş rayon sakini, 1975-ci il təvəllüdlü Şahin Soltanov saxlanılıb. Baxış zamanı ondan 210 qram heroin və 450 qram marixuana götürülüb.