Bakı. Samir Əli - Trend:
Bakıda bahalı velosiped oğurlanıb.
Trend-in məlumatına görə, hadisə paytaxtın Səbail rayonu, M.Şəfi küçəsində baş verib. Həmin küçədə yaşayan Emin İsabalayevə məxsus mənzilin girişində saxladığı 900 manatlıq velosiped oğurlanıb.
Səbail rayon Polis İdarəsinin 9-cu Polis Bölməsinin əməkdaşlarının keçirdiyi əməliyyat-axtarış tədbirləri nəticəsində əvvəllər məhkum olunmuş 1983-cü il təvəllüdlü Famil Fətullayev saxlanılıb.