Bakı. Samir Əli - Trend:
Bakıda daha bir yol qəzası baş verib.
Bakı Nəqliyyat Agentliyindən Trend-ə verilən məlumata görə, hadisə paytaxtın Z.Bünyadov prospektində (Poladəritmə zavodunun qarşısında) baş verib. Ərazidəki tunelə girişdə baş verən yol nəqliyyat hadisəsi səbəbindən yolda sıxlıq müşahidə olunur.
Hazırda, həmçinin 3-cü Mikrorayon dairəsi ətrafında hərəkətdə çətinlik yaranıb. Dairə ətrafında tıxac var. Hər iki ünvandakı nəqliyyat şəraiti həmin ərazidən keçən müntəzəm və ekspres xətlər üzrə avtobusların hərəkət intervalında gecikmələr yaradır.