...

Narkotikin təsiri altında avtomobil idarə edən şəxs ifşa olunub

Hadisə Materials 30 Sentyabr 2022 16:27 (UTC +04:00)
Narkotikin təsiri altında avtomobil idarə edən şəxs ifşa olunub

Trend-i buradan izləyin

Bakı. Trend:

Baş DYP İdarəsinin YPX Alayının 11-ci taqımının əməkdaşları 25.09.2022-ci il tarixində “VAZ 2103” markalı, 10-HM-947 dövlət qeydiyyat nişanlı avtomobili ödənilməyən cərimə borclarına görə saxlayarkən sürücünün davranışları və zahiri görkəmi onun narkotik vasitələrdən istifadə etdiyinə əsaslı şübhələr yaratdığı üçün nəqliyyat vasitəsi duracağa yerləşdirilib, sürücünün isə tibbi müayinədən keçməsi təmin edilib.

İdarədən Trend-ə bildirilib ki, müayinə zamanı 1986-cı il təvəllüdlü, Astara rayonunda qeydiyyatda olan Asif Cabbarovun sözügedən nəqliyyat vasitəsini narkotik vasitənin təsiri altında idarə etməsi müəyyən olunub.

A.Cabbarov barəsində Azərbaycan Respublikasının İnzibati Xətalar Məcəlləsinin müvafiq maddəsinə əsasən inzibati protokol tərtib edilərək baxılması üçün aidiyyəti məhkəməyə göndərilib.

Məhkəmənin qərarı ilə A.Cabbarov nəqliyyat vasitəsini idarə etmək hüququ 2 il müddətinə məhdudlaşdırılmaqla 10 gün müddətində inzibati qaydada həbs edilib.

Məqalədə:
Xəbər lenti

Xəbər lenti