İyulun 5-də səhər saat 06.30 radələrində Binə qəsəbəsi ərazisində yol qəza hadisəsi baş verib. Bakı şəhər Dövlət Yol Polis İdarəsinin təbliğat-təşviqat şöbəsinni rəisi Vaqif Əsədovun Trend ə verdiyi məlumata görə, qəza ölümlə nəticələnib.
"Bakı şəhər sakini Paşa Orucovun idarə etdiyi "Mersedes" və İlham Aşurovun idarə etdiyi "VAZ-2107" markalı avtomobillər toqquşub. Nəticədə İ.Aşurov hadisə yerində dünyasını dəyişib, xəsarət almış P.Orucov isə xəstəxanaya yerləşdirilib, vəziyyəti orta-ağırdır" - deyə V.Əsədov bildirib.
Faktla əlaqədar Əzizbəyov RPİ-də təhqiqat aparılır və qəzanın səbəbləri araşdırılır.