Azərbaycan, Bərdə ( Trend , müxbir Ş. Əlizadə) Çərşanbə günü saat 18.00 radələrində Ağdam rayonu Quzanlı 1 qəsəbəsində məskunlaşmış məcburi köçgün 1939 il təvəllüdlü Cəbrayılova Tovuz Bayram qızı özünü yandırmışdır.
Ağır bədən yanıqları ilə Quzanlı kənd xəstəxanasına yerləşdirilən Cəbrayılova Trend ə bildirmişdir ki, bu addıma səbəb kürükəninin ona olan 600 manat borcun danması olub.
Quzanlı kənd xəstəxanası cərrahiyyə şöbəsinin həkimi Kamil Həsənovun sözlərinə görə, yaralının vəziyyəti ağır olduğu üçün onun Bakıya göndərilməsi planlaşdırılır.
Faktla ələqədar Ağdam Rayon Rolis Şöbəsində araşdırma aparılır.