Azərbaycan, Bakı, 29 mart /Trend, müxbir X.Murtuzayeva/
Alimlər sızanaqların müalicəsi üçün adi kəklikotundan istifadə etməyi məsləhət görürlər. Onların sözlərinə görə, bu bitki antibakterioloji kremlərdən daha səmərəli və təhlükəsizdir. Bu barədə Trend "The Telegraph"-a istinadən məlumat verir.
Belə qənaətə onlar dəridə səpgi əmələ gətirən bakteriyalar üzərində kəklikotu, mirra və gülümbahar tinkturasının effektinin öyrənilməsi zamanı gəliblər.
Tədqiqat zamanı alimlər müəyyən ediblər ki, bu bitkilərin tinkturaları bakteriyaları beş dəqiqə ərzində məhv edə bilirlər. Lakin onlardan ən effektivi kəklikotudur. O, hətta sızanaqların müalicəsi üçün istifadə olunan bir çox kremlərin tərkibindəki benzoil peroksidindən daha yaxşı təsir edir.
Ekspertlərin sözlərinə görə, standart kremlər və yuyunma vasitələrinin bitki alternetivləri dərisi kimyəvi vasitələrə həssas olanların həyatını dəyişdirə bilər. Misal üçün, elə həmin benzoil peroksidi tez-tez dərinin yanmasına və qıcıqlanmasına səbəb olur.
Bununla yanaşı alimlər, hələ tinkturaların molekulyar səviyyədə necə işlədiyini müəyyən etmək üçün insan dərisinin real mühitini nisbətən daha dəqiq təkrarlayan şəraitlərdə əlavə sınaqlar aparmalıdırlar.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
