Azərbaycan, Bakı, 1 iyun /Trend/
Məşhur musiqiçi Pol Makkartni bildirib ki, baba olduqdan sonra marixuanadan istifadə etməyi dayandırıb.
Trend-in xarici mətbuata istinadən verdiyi məlumata əsasən, o, qadağan edilmiş maddələrdən istifadə etməklə nəvələrinə pis nümunə olmaq istəmədiyini deyib.
P.Makkartni qeyd edib: "Axırıncı dəfə xeyli müddət əvvəl çəkmişəm".
Onun uzun illər boyu marixuanaya qarşı sevgisi olduğu məlum idi. Musiqiçi 1980-ci ildə Yaponiyada xeyli həcmdə narkotik maddə saxladığına görə həbs edilmişdi.