Bakı. Trend:
Rumıniyada yanğın zamanı iti xilas edən yanğınsöndürən bir anda qəhrəmana çevrilib.
Trend-in "RİA Novosti" agentliyinə istinadən məlumatına görə, Piteşti şəhərində yanğın zamanı it tüstüdən boğulub. İti evdən çıxaran yanğınsöndürən ona ürək masajı etməklə və süni nəfəs verməklə iti həyata qaytarıb.
Hadisənin videosu sosial şəbəkələrə yükləndikdən sonra qısa müddət ərzində iki milyondan çox baxış sayı toplayıb.