Ermənistan Silahlı Qüvvələri iki istiqamətdə atəşkəs rejimini pozub

Azərbaycan, Bakı, 15 iyun /Trend, müxbir M.Əliyev/ Ermənistan Silahlı Qüvvələri bir gündə iki istiqamətdə atəşkəs rejimini pozub.

Azərbaycan Müdafiə Nazirliyinin mətbuat xidmətindən çərşənbə axşamı Trend-ə bildiriblər ki, Ermənistan Silahlı Qüvvələrinin bölmələri iyunun 14-də saat  19.45-dən 19.55-dək Goranboy rayonunun Tapqaraqoyunlu kəndi yaxınlığında yerləşən mövqelərdən, saat 20.45-dən 20.50-dək, iyunun 15-də saat 02.05-dən 02.10-dək  Xocavənd rayonunun ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Düşmən cavab atəşi ilə susdurulub. İtki yoxdur.