ATƏT Dağlıq Qarabağ münaqişəsində insidentlərin araşdırılması mexanizminin aktivləşməsinə kömək etməlidir – sədr

Azərbaycan, Bakı, 6 dekabr / Trend, müxbir E.Tariverdiyeva /

ATƏT Dağlıq Qarabağ münaqişəsində insidentlərin araşdırılması mexanizminin aktivləşməsinə kömək etməlidir. Bunu Vilnüsdə ATƏT-in fəaliyyətdə olan sədri Audronyus Ajubalis ATƏT XİNŞ-də bildirib. Trend-in məlumatına görə, bu barədə təşkilatın saytı xəbər verir.

"ATƏT Soçidə prezidentlərin görüşü zamanı təklif olunduğu kimi, qanuna uyğun olaraq, Dağlıq Qarabağ münaqişəsində insidentlərin araşdırılması mexanizminin aktivləşməsinə kömək etməlidir", - o, XİNŞ-nin açılışında giriş nitqində deyib.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az

Trend-in ən mühüm və maraqlı xəbərlərini "Telegram"da izləyin