Azərbaycan, Bakı, 23 fevral /Trend/
Türkiyə xarici işlər nazirinin müavini Fatih Ceylan Xocalı soyqırımının bəşəriyyətə qarşı cinayət olduğunu bildirib və qeyd edib ki, bu cinayət qəti şəkildə pislənməlidir.
Trend-in Türkiyə XİN-in "Twitter"dəki mikrobloquna istinadən verdiyi məlumata görə, nazirlik Xocalı soyqırımının 20-ci ildönümü ilə bağlı beynəlxalq birliyinin diqqətini bu faciəyə çəkmək məqsədilə bir sıra tədbirlər təşkil edəcək.
Xatırladaq ki, 1992-ci il fevralın 26-da Ermənistan silahlı birləşmələrinin Xocalı şəhərinin yeddi minlik əhalisinə qarşı törətdiyi soyqırım aktı zamanı 613 soydaşımız, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, meyitlər üzərində təhqiredici hərəkətlərə yol verilib.