Bakı. Nərgiz Sadıxova - Trend:
BMT baş katibi Dağlıq Qarabağ münaqişəsi çərçivəsində döyüş əməliyyatlarının ərazisinin genişlənməsi barədə xəbərlərdən narahatlıq duyur.
Trend bu barədə BMT-nin bəyanatına istinadən məlumat verir.
Mətbuat katibi Stefan Düjarrik bildirib ki, təşkilatın baş katibi münaqişə zonasında davam edən gərginliyi kəskin pisləyir:
“O, döyüş əməliyyatlarının ərazisinin genişlənməsi, eləcə də yaşayış məskənlərinin atəşə tutulması barədə xəbərlərdən ciddi narahatlıq duyur. O münaqişə tərəflərinə mülki vətəndaşların və infrastrukturun müdafiəsi ilə bağlı öhdəlikləri xatırladıb. Baş katib münaqişə tərəflərini gərginliyi dayandırmağa, bütün regional iştirakçıları vəziyyətə təsir göstərməyə çağırıb”.