(Mediamaks) - Ermənistan xarici işlər naziri Vardan Oskanyan Nyu-Yorkda ATƏT-in Minsk qrupunun amerikalı həmsədri Stiven Mənnlə işgüzar görüş keçirib.
Bu gün XİN-nin mətbuat xidmətində bildirilib ki, BMT Baş Assambleyasının 60-cı sessiyasında iştirak edən Vardan Oskanyan həmçinin Avropa xarici siyasət və Avropa Qonşuluq Siyasəti məsələləri üzrə Komissiyasının üzvü Benita Ferrero-Valdner /Benita Ferrero-Waldner/ ilə görüşüb. Görüşdə Ermənistan XİN başçısı Qarabağ probleminin nizama salınmasının gedişini qısa olaraq diqqətə çatdırıb.
Ermənistan XİN başçısı həm də Kipr və Misirin xarici işlər nazirləri - Georgi Yakov /George Iacovou/ və Əhməd Əbul Qeyt /Ahmed Aboul Gheit/ ilə görüşüb. Vardan Oskanyan Ermənistan prezidenti Robert Köçəryanın Hüsni Mübarəkə onun yenidən Misirin prezidenti seçilməsi münasibətilə təbrik məktubunu öz misirli həmkarına verib.