ATƏT-in Minsk qrupunun ABŞ-dan olan həmsədri Stiven Mənnin oktyabrın ikinci yarısında Bakıya gəlməsi barədə razılaşma əldə olunub. Trend in məlumatına əsasən, oktyabrın 3-də AR XİN başçısı Elmar Məmmədyarov bu barədə jurnalistlərlə görüşündə bildirib.
ATƏT-in Minsk qrupu həmsədrinin yeni səfərinin tarixinə toxunan E.Məmmədyarov qeyd edib ki, "həmsədrlər özləri cari ilin noyabrın sonu-dekabrın əvvəlində Azərbaycana gəlməyi planlaşdırır.Amma müəyyən səbəblərdən səfər baş tutmasa, onda həmsədrlərlə onun görüşü ATƏT-in üzvü olan ölkələrin XİN başçılarının dekabrın 4-5-də Lublyanada keçiriləcək görüşündə baş tutacaq".
"Biz Azərbaycan və Ermənistan prezidentlərinin Kazan görüşündə müzakirə olunan məsələləri daha ətraflı işləməyi planlaşdırırıq"-deyə Azərbaycanın XİN başçısı qeyd edib və bildirib ki, münaqişə tərəfləri "bir sıra konseptual məsələləri müzakirə etməlidir".