Aprelin 3-də Ermənistan Silahlı Qüvvələrinin bölmələri qoşunların təmas xəttində atəşkəsi təkrar pozub. Trend in xəbərinə görə, bu barədə Azərbaycan Rspublikası Müdafiə Nazirliyinin mətbuat xidmətindən məlumat verilib.
Saat 17.55-dən 18.00-dək Ermənistan Respublikası Berd rayonunun Mosesqex kəndinin 1,7 km. cənub-şərqində yerləşən düşmən mövqelərindən Azərbaycyan Silahlı Qüvvələrinin Qovuz rayonunun ərazisindəki adsız yüksəkliklərdə yerləşən mövqeləri, saat 21.30-dan 22-dək isə Ağdam rayonunun işğal olunmuş Cəvahirli kəndinin 2,5 km. cənub-şərqində yerləşən düşmən mövqelərindən Azərbaycan Silahlı Qüvvələrinin Əhmədağah kəndi yaxınlığında yerləşən mövekləri avtomat və pulemyotlardan atəşə tutulub.
Cavab atəşilə düşmən susdurulub, itki yoxdur.