Azərbaycan Dağlıq Qarabağ münaqişəsinə dair bəndi İslam Konfransı Təşkilatına üzv ölkələrin turizm nazirlərinin Bakı konfransının bəyannaməsinə daxil edib.
Trend in xəbər verdiyi kimi, bu barədə jurnalistlərə Azərbaycanın mədəniyyət və turizm naziri Əbülfəz Qarayev bəyan edib.
Nazirin sözlərinə görə, Dağlıq Qarabağ problemi növbəti dəfə islam ölkələri nümayəndələrinin diqqətinə çatdırılacaq. Azərbaycan tərəfi bu münaqişə nəticəsində ölkənin tarixi və mədəni dəyərlərinin məhv edilməsi ilə bağlı faktları təqdim edəcək.