Azərbaycan,Bakı/müxbir Trend A.İsmayılova/Azərbaycan prezidentinin mətbuat katibi Azər Qasımov erməniləri ABŞ Dövlət Departamentinin hesabatındakı dəyişikliklərdən qara piar məqsədilə istifadə etməkdə günahlandırıb. Çərşənbə günü ABŞ-ın Dövlət Departamenti Ermənistanda insan haqları üzrə hesabatının ilkin mətnini bərpa edib. "Erməni qüvvələri Azərbaycan ərazisinin Dağlıq Qarabağla həmsərhəd olan böyük hissəsini işğal edib" cümləsi "Ermənistan Azərbaycanın ərazisi olan Dağlıq Qarabağ və ona bitişik yeddi rayonu işğal edib" cümləsi ilə əvəz olunub.
Qasımov çərşənbə axşamı bəyan edib ki, qara piara xidmət edən agentliklər müvafiq xəbərdarlıqlar alıb və Azərbaycan bu hadisələrlə bağlı özünün kəskin mövqeyini göstərib.
O, ABŞ-ın hesabatında təkrar dəyişikliyin edilməsi faktını müsbət qiymətləndirib. Hesabatda Vaşinqton bir daha təsdiq edib ki, Ermənistan Dağlıq Qarabağ və ona bitişik rayonları işğal etməkdə davam edir.