Azərbaycan, Bakı / Trend müxbir İ.Əlizadə /Avqustun 6-da saat 13.00-dan 17.00-dək ermənilər Füzuli rayonunun Aşağı Veysəlli kəndinin 2,5 km cənub-qərbində yerləşən otlaq sahələrini yandırıblar.
Bu barədə çərşənbə axşamı Azərbaycan Müdafiə Nazirliyinin mətbuat xidmətindən məlumat verilib.
Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. Bu ərazilər 1992-ci ildən indiyədək erməni Silahlı Qüvvələrinin işğalı altındadır. 1994-cü ildə Ermənistanla Azərbaycan arasında atəşkəs haqqında razılıq əldə olunub. Buna baxmayaraq, Azərbaycan və Ermənistan Silahlı Qüvvələrinin təmas xəttində atəşkəs tez-tez pozulur.