Azərbaycan, Bakı/ Trend , müxbir K. Zərbalıyeva/ Avqustun 9-da minaya düşmüş Azərbaycan Ordusunun iki əsgəri və bir zabiti bir ayağını itirib. Məlumatı təsdiqləyən Müdafiə Nazirliyinin mətbuat xidmətinin rəhbəri Eldar Sabiroğlu cümə günü Trend ə bildirib ki, xəsarət alan şəxslər Sarıcalı hospitalına yerləşdiriliblər. Sabiroğlu minadan zərərçəkənlərin həyatları üçün təhlükə olmadığını deyib.
Avqustun 9-da saat 11:30 radələrində Ağdam rayonunun qoşunların təmas xəttinə yaxın ərazisində Milli Ordunun əsgərləri Ceyhun Qarayev və Zaur Məmmədov, hadisə yerinə gələn zabit Gülağa Məmmədov minaya düşüb.
Qarayev Qəbələ rayon Hərbi Komissarlığından, Məmmədov isə Bakının Yasamal rayon Hərbi Komissarlığından hərbi xidmətə çağırılıblar.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
