Azərbaycan, Bakı, 05 fevral / Trend , müxbir K.Zərbalıyeva/ "Azadlıq" qəzetinin həbsdə olan jurnalisti Müalicə Müəssisəsinə köçürüləcək.
Ədliyyə Nazirliyinin Səhiyyə Baş İdarəsinin rəisi Rəfael Mehdiyev çərşənbə axşamı Trend ə bildirib ki, Mirzə Sakit səhhətindəki problemlə əlaqədar Müalicə Müəssisəsinə köçürülməsi barədə müraciət edib.
Mehdiyev Zahidin Müalicə
Müəssisəsinə köçürülməsi
ilə bağlı müraciətinə müsbət rəy
verildiyini və həftə ərzində onun
müəssisəyə köçürüləcəyini
deyib. İdarə rəisinin sözlərinə görə,
Sakitə əsəb xəstəliyi ilə bağlı diaqnoz
qoyulub.
Sakit yanvarın 26-da Müalicə Müəssisəsinə
köçürülməsi tələbiylə
aclığa başlayıb. Yanvarın 28-də isə onun
Müalicə Müəssisəsinə
köçürülməsinə razılıq
veriləndən sonra aksiyanı dayandırıb.
Sakiti müayinə edən həkimlər onun cəzaçəkmə müəssisəsinin tibb-sanitar hissəsində müalicə olunması barədə rəy verdiyindən o, fevralın 3-dən yenidən aclığa başlayıb.
Penitensiar Xidmətdən çərşənbə axşamı bildirilib ki, Sakitin Müalicə Müəssisəsinə köçürülməsinə qərar verildiyi üçün o, aclığı dayandırıb.
Sakit məhkəmənin hökmü ilə narkotiklərin qanunsuz dövriyyəsində təqsirli bilinərək 3 il azadlıqdan məhrum edilib.
Apellyasiya və Ali Məhkəmə hökmü qüvvədə saxlayıb.
Azərbaycanda peşə fəaliyyəti ilə bağlı üç jurnalist həbsdədir.
