...

Ermənistanda hakimiyyətin dəyişməsi Dağlıq Qarabağ münaqişəsinin həlli ilə bağlı danışıqlara heç bir təsir göstərməyəcək – politoloq

Siyasət Materials 19 Fevral 2008 17:30 (UTC +04:00)

Azərbaycan, Bakı 19 fevral / Trend , müxbir C.Babayeva/ Ermənistanın baş naziri, "Respublika" partiyasının sədri Serj Sarkisyanın prezident seçkilərində qələbə qazanacağı şübhəsizdir və onun hakimiyyətə gəlməsi Dağlıq Qarabağ münaqişəsinin həlli ilə bağlı danışıqların mahiyyətinə heç bir təsir göstərməyəcək. Bu fikri bu gün Bakıda jurnalistlərə politoloq Zərdüşt Əlizadə bildirib.

Bu gün Ermənistanda prezident seçkisi keçirilir. Prezidentlik uğrunda doqquz namizəd mübarizə aparır.

"Dağlıq Qarabağda separatçılıq hərəkatı genişlənən zaman Sarkisyan həmin hərəkatın liderlərindən biri olub. Bu hərəkat dalğasında hakimiyyətə gələnləri Qarabağ Komandirləri Partiyası (QKP) adlandırmaq olar. QKP- nin hakimiyyətə gələn üzvlərinin əsas kapitalları Qarabağdır. Dağlıq Qarabağ məsələsi ilə bağlı bu hərəkatın üzvləri barışmaz mövqedə durur. Onlar artıq hesab edirlər ki, qələbə qazanıblar və bu qələbənin yalnız hüquqi sənədləşdirilməsi qalıb",- deyə Əlizadə bildirib.

Politoloqun fikrincə, dövlət vəzifəsindən şəxsi sərvətin mənbəyi kimi istifdə olunan və vətəndaş cəmiyyətinin korrupsiyaya nəzarət edə bilmədiyi Ermənistan kimi dövlətlərdə xalqa həmin şəxsləri hakimiyyətdən uzaqlaşdırmağa heç vaxt imkan verilmir.

Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. Bu ərazilər 1992-ci ildən indiyədək erməni silahlı qüvvələrinin işğalı altındadır. 1994-cü ildə Ermənistanla Azərbaycan arasında atəşkəs haqqında razılıq əldə olunub.

Xəbər lenti

Xəbər lenti