Macarıstan, Budapeşt, 19 fevral/ " müxbir Y.Hüseynov/ Azərbaycan prezidenti İlham Əliyev və Macarıstanın Baş naziri Ferents Dürçan çərşənbə günü Budapeştdə dövlətlərarası əməkdaşlıq məsələlərini müzakirə ediblər.
Baş nazir bildirib ki, Əliyevin Macarıstana səfəri müxtəlif sahələrdə, o cümlədən, iqtisadi sahədə ikitərəfli əməkdaşlığın inkişafı yolunda mühüm mərhələ olacaq. Dürçan Macarıstanın Azərbaycanla enerji sahəsində əməkdaşlığın inkişafında xüsusilə maraqlı olduğunu vurğulayıb. Bununla əlaqədar olaraq, tərəflər iki ölkənin biznes-dairələri arasında tərəfdaşlığın inkişafının vacibliyini və çərşənbə axşamı Budapeştdə keçirilən biznes-forumun nəticələrini qeyd ediblər.
Azərbaycan prezidenti ölkənin Macarıstanla iqtisadi tərəfdaşlığın gücləndirilməsində maraqlı olduğunu bildirib. İlham Əliyev macarıstanlı sahibkarları Azərbaycanın dövlət büdcəsindən maliyyələşdirilən infrastruktur layihələrində fəal iştirak etməyə çağırıb.