Azərbaycan, Lənkəran, 21 fevral / Trend , müxbir P.Əliyeva/ Azərbaycanın cənub bölgəsində -- Biləsuvar, Cəlilabad, Masallı və Lənkəran rayonlarının 18 dini kitab mağazasında reydlər keçirilib. Bu barədə Trend a Dini Qurumlarla İş üzrə Dövlət Komitəsinin Cənub bölgəsi üzrə şöbə müdiri Miryəhya Bədirov məlumat verib.
Ötən il Dini Qurumlarla İş üzrə Dövlət Komitəsi (DQİDK) Azərbaycanda 750 adda dini ədəbiyyata baxıb və dini dözümsüzlüyü və ayrı-seçkiliyi təbliğ edən 140 adda kitabın ölkəyə idxalının və yayılmasının qarşısını alıb.
Bədirov deyib ki, kitab mağazalarından dini dözümsüzlüyü təbliğ edən kitablar yığışdırılıb. Şöbə müdiri onların sayı barədə məlumat verməyib.
Onun sözlərinə görə, son bir ayda Astara gömrük-keçid məntəqəsində Azərbaycana gizli gətirilməsinə cəhd edilən və yayımı qadağan olunan 270 nüsxə dini kitab götürülərək, DQİDK-ya təqdim edilib.