...

Gəncənin əyləncə mərkəzlərinin fəaliyyətinə məhdudiyyətlər qoyulub

Siyasət Materials 25 Fevral 2008 14:37 (UTC +04:00)

Azərbaycan, Gəncə, 25 fevral / Trend , müxbir V.Məmmədov/ Gəncə şəhər Polis İdarəsi şəhərdəki bar və diskotekaların gecə saat 00.00-dan sonra fəaliyyət göstərməməsinə dair qərar çıxarıb. İdarədən bazar ertəsi Trend -a bildiriblər ki, qərarın çıxarılmasında məqsəd şəhərdə baş verən cinayətkarlığın qarşısını almaqdır.

Gəncədə 5 bar və diskoteka fəaliyyət göstərir.

Ötən il Gəncədə 438 cinayət hadisəsi baş verib. Nəticədə 8 nəfər ölüb. Cinayət hadisələrinin 401-nin üstü açılıb. Hesabat dövründə qeydə alınmış hadisələrin 74-ü ağır, 224-ü az ağır, 140-ı isə böyük ictimai təhlükə törətmə ilə bağlı olub.

Məlumata görə, göstərilən vaxtdan sonra bar və diskotekaların fəaliyyətinin qarşısını almaq üçün polislər tərəfindən gündəlik reydlər keçirilir.

Gəncə paytaxt Bakıdan 365 kilometr qərbdə yerləşir.

Xəbər lenti

Xəbər lenti