Azərbaycan, Bakı, 26 fevral / Trend , müxbir S.İlhamqızı/ ABŞ-ın Beynəlxalq Respublikaçılar İnstitutunun Azərbaycan nümayəndəliyi 14 siyasi partiya üçün təlimlər keçirir. Bu barədə Trend ə Respublikaçılar İnstitutundan məlumat verilib.
Hazırkı təlimlərin mövzusu liderliklə bağlıdır, növbəti aylarda isə təlimlər seçkilərin müşahidə edilməsi ilə bağlı olacaq. Təlimlər Bakı, Sumqayıt, Gəncə, Lənkəran şəhərlərini əhatə edir. Növbəti təlimlərə xarici ölkələrdən ekspertlər dəvət olunacaq.
Respublikaçılar İnstitutunun Azərbaycan üzrə nümayəndəliyinin rəhbəri Ceyk Conson siyasi partiya liderləri ilə də görüşlər keçirir, onların seçki platformaları ilə tanış olur.
Bu ilin oktyabrında Azərbaycanda növbəti prezident seçkisi keçiriləcək.