Azərbaycan, Bakı, 17 mart / " , müxbir C.Babayeva/Gürcüstan azərbaycanlılarının "Qeyrət" Xalq Hərəkatı mayın əvvəllərində Gürcüstanda keçiriləcək Parlament seçkilərində fəal iştirak etmək barədə qərar qəbul edib. Bu barədə bazar ertəsi Trend a telefonla Tbilisidən hərəkat rəhbəri Əlibala Əsgərov məlumat verib.
Əsgərovun sözlərinə görə, rəhbərlik etdiyi hərəkat namizədlərini Parlament seçkilərində iştirak edəcək partiyaların siyahısında irəli sürəcək.
"Hərəkat hələ hansı partiyanın siyahısında namizədlərini irəli sürəcəyini müəyyən etməyib. Namizədlər həm iqtidar, həm də müxalifət partiyalarından irəli sürülə bilər" - deyə Əsgərov bildirib.
Onun sözlərinə görə, hərəkəat Gürcüstan azərbayacanlılarını Parlament seçkilərində fəal iştirak etməyə çağırıb.
Təsis qurultayı fevralın əvvəlində keçirilmiş Gürcüstan azərbaycanlılarının "Gürcüstan naminə" partiyası da Parlament seçkilərində öz namizədləri ilə iştirak etmək niyyətində olduğunu bəyan edib.