Azərbaycan, Bakı, 19 mart / Trend ", müxbir Q.Cəbiyev/ Azərbaycanın iqtidaryönlü partiyaların təmsil olunduğu Məşvərət Məclisinin tərkibinin genişləndirilməsi mümkündür. Bu barədə çərşənbə günü Trend a hakim Yeni Azərbaycan Partiyasının (YAP) icra katibinin müavini Siyavuş Novruzov məlumat verib.
Fevralın 28-də Məşvərət Məclisinə sədrlik YAP-a həvalə olunub. Məşvərət Məclisində Yeni Azərbaycan, Ana Vətən, Sosial Rifah, Demokratik Maarifçilik, Respublikaçılar, Demokratik Azərbaycan Dünyası, Milli Dövlətçilik və Azərbaycan Naminə Alyans partiyaları təmsil olunur.
Müxalif Vəhdət Partiyası qurumda təmsil olunmaq niyyətini ifadə edib.
Novurzov bildirib ki, Vəhdət Partiyasının Məşvərət Məclisində təmsil olunması mümkündür. "Bunun üçün həmin partiyanın rəsmi müraciəti lazımdır. Hazırda belə bir müraciət yoxdur. Müraciət olarsa, həmin müraciət müzakirəyə çıxarıla bilər" Novruzov əlavə edib.