Azərbaycan, Bakı,29 mart / Trend , müxbir R.Hafizoğlu, D.Xatınoğlu / Hollandiyalı rejissorun islam haqqında çəkdiyi film bütün xristian dünyasının mövqeyini əks etdirməsə də, dinlərarası dialoqa bir zərbə kimi qəbul olunur. ""Fitnə" filmi xristian və müsəlmanlar arasında yeni qalmaqallara səbəb ola bilər"-deyə, Kamal Əl-Həlbəvi Trend a bildirirb.
Hollandiyalı rejissor-siyasətçi Qeert Vilders martın 27-də internetdə Quran və islami dəyərləri tənqid edən15 dəqiqəlik film yerləşdirib.
"Avropa milliyyətçiləri regionda islamın yayılmasından ciddi şəkildə narahatdırlar"-deyə, İngiltərədəki Terrorizm Araşdırmaları Mərkəzinin direktoru politoloq Kamal Həlbəvi şənbə günü Londondan telefonla bildirib. O hesab edir ki, Avropa milliyyətçiləri nəinki islamın, ümumilikdə din düşmənidirlər. Müsəlmanlar heç bir peyğəmbər arasında ayrı-seçkilik etmirlər və onların təhqir olunmasıını doğru hesab etmirlər - deyə, o qeyd edib.
Politoloq hesab edir ki, insanlar tanımadıqlarına düşmənidirlər və bu fakt bir daha sübut edir ki, Avropada islam olduğu kimi tanıdılmır.
Danimarkalı islamşünas Əsma Əbdülhəmid hesab edir ki, filmin arxasında siyasi motivlər var.
"Filmin nümayişi ilə Hollandiyadakı millətçilər islam və xristian dünyaları arasında yeni problemlərin çıxmasına çalışırlır"-deyə, Əbdülhəmid şənbə günü Kopenhagendən Trend a bildirib. O hesab edir ki, film xristian dünyasının ümumi mövqeyini əks etdirmir.
"Bu filmin nümayişilə bəzi qüvvələr dinlər arasında münaqişə yaratmaq istəyindədirlər. Mən əminəm ki, "Fitnə" filminin yayımı tez bir zamanda dayandırılacaq"-deyə o qeyd edib.
Almaniyada fəaliyyət göstərən Alman Eks-Muslim Təşkilatının sədri Mina Əhədi isə, hesab edir ki, islam dinini tənqid edən filmlərin yayılmasının qanunla qadağası yoxdur.
"Amma Vildersin çəkdiyi film, umumiyyətlə, qərəzlidir. Terrorizmdə yalnız müsəlmanları gunahlandırmaq düzgün deyil, musəlmanlar özləri də terrorizmin qurbanıdırlar"-deyə, Əhmədi şənbə günü Berlindən telefonla Trend a bildirib.
Onun fikrincə, əsas mubarizə müsəlmanlarla deyil, islami təşkilatlarla həyata keçirilməlidir.
"Vilders Qərbdə yaşayan müsəlmanlarla mubarizə aparmaq, onları Qərbdən qovmağın və təzyiq göstərməyin vacibliyini göstərmək istəyir. Bu isə, problemin həlli deyil"-deyə, o qeyd edib.
Hollandiyanın Baş naziri Yan Peter Balkenende ölkə siyasətçilərindən Vildersin internetdə yayımlanan anti-islami filmini rəsmən pisləyib. BMT-nin Baş katibi Pan Qi Mun hollandiyalı rejissorun çəkdiyi "Fitnə" filmini pislyərək, onu anti-islami adlandırıb.
Avropa Şurasının Baş katibi Terri Devis də, "Fitnə"ni anti -islam adlandıraraq deyib ki,
"film ekstremistlərin əlinə yeni fürsət verməkdən başqa bir şey deyil".
Əl-Cəzirə telekanalının verdiyi məlumata görə, Hollandiyada islam əleyhinə yeni bir film də çəkilə bilər. Bu filmi çəkmək niyyətində olan şəxs Hollandiyada yaşayan əslən iranlı Ehsan Camidir.
22 yaşlı Ehsan Cami bildirib ki, onun Məhəmməd peyğəmbər haqqında filmi, bir növ, Qərbdə çəkilmiş və İsa peyğəmbəri təhqir edən "Brayanın həyatı" kinokomediyasına bənzəyəcək.
