Azərbaycan, Bakı, 16 aprel/ Trend müxbir K.Ramazanova/ Azərbaycan XİN rəhbəri Elmar Məmmədyarov rəsmi səfərlə Polşaya dəvət edilib. Nazirə dəvətnaməni çərşənbə günü Polşa XİN rəhbərinin müavini Ancey Kremer təqdim edib. Bu barədə Azərbaycan XİN-in mətbuat xidmətinin məlumatında deyilir.
Kremerin sözlərinə görə, Azərbaycan Polşanın regiondakı strateji tərəfdaşıdır.
O həmçinin əməkdaşlığın genişləndirilməsinin, müxtəlif strukturlar arasında rəy mübadiləsinin aparılmasını, məsləhətləşmələrin davam etdirilməsinin zəruri olduğunu qeyd edib.
Kremerin sözlərinə görə, Polşa Azərbaycanı yalnız energetika vasitəçisi kimi nəzərdən keçirmir, o həmçinin ölkənin geosiyasi əhəmiyyətini Avropaya nümayiş etdirməyə hazırdır.
Görüşdə həmçinin GUAM-ın dostluq qrupunun genişləndirilməsi, təhlükəsizlik üzrə dialoqun yaradılması, qarşılıqlı sərmayələr məsələləri müzakirə edilib.
Müəlliflə əlaqə saxlamaq üçün elektron ünvan: [email protected]