Azərbaycan, Bakı, 18 aprel / ", müxbir Q.Cəbiyev/ Azərbaycanın müxalif Demokrat Partiyası (ADP) bəyan edib ki, Azərbaycanın müxalifət liderlərinin birləşməsi mümkün deyil. "Mən buna qətiyyən inanmıram. Çünki müxalifət liderləri idarə olunandırlar. Onların bir qismi xaricdən, bir qismi isə daxildən idarə edilir" cümə günü " Trend a ADP funksioneri Qurban Məmmədov bildirib.
Azərbaycanda oktyabrın 15-də keçiriləcək prezident seçkisi ilə bağlı müxalifət partiyaları seçkiyə vahid namizədlə getmək barədə müxtəlif bəyanatlarla çıxış edib. Müxalif Müsavat Partiyasının Mərkəzi İcra Aparatının rəhbəri Arif Hacılı da müxalifətin vahid namizədlə seçkiyə getməsini mümkünsüz sayıb.
Məmmədov xaricdən və daxildən idarə olunan müxalifət liderlərinin adlarını açıqlamaqdan imtina edib.
Onun sözlərinə görə, bu gün Azərbaycanda klassik müxalifətçiliklə məşğul olan partiya rəhbərləri yoxdur. "Müxalifət rəhbərləri öz postlarından möhkəm yapışıblar və yeni qüvvələrin ortaya çıxmasına imkan vermirlər. Onların iç üzü açılmalı və ifşa edilməlidirlər" Məmmədov əlavə edib.
Sağ təmayüllü partiya olan ADP 1991-ci ildə Cəlaloğlu tərəfindən təsis edilib. Partiya ötən ilin yanvarınadək iqtidara qarşı radikal müxalif mövqedə olub. Ötən ilin yanvarında ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarları ADP-dən imtina edərək özlərinin Açıq Cəmiyyət Pariyasını (AJP) yaradıblar.
Məqalə müəllifi ilə əlaqə ünvanı: [email protected]
