Azərbaycan, Bakı, 9 may / Trend müxbir E.Tarıverdiyeva, A.Qasımova/ Ekspertlərin Vladimir Putinin Rusiya hökumətinin rəhbəri seçilməsinə birmənalı olmayan münasibətinə rəğmən onlar düşünürlər ki, Putin məhdudiyyətsiz hakimiyyətə malik güclü siyasi fiqurdur.
"Rusiyanın siyasi həyatının martdan sonrakı dövründə Putin hakimiyyəti öz əlində cəmləşdirdi, lakin bu dəfə yeni rəsmi, yəni baş nazir rolunda", - deyə müstəqil beynəlxalq ekspert Andrey Piontkovskiy düşünür.
Cümə axşamı Rusiyanın sabiq prezidenti Vladimir Putin Dövlət Dumasının növbədənkənar iclasında hökumət başçısı seçilib. Putinin adamı hesab olunan yeni seçilmiş prezident Dmitri Medvedev seçkilərdə qalib gəldikdən sonra onun baş nazir postuna namizədliyini irəli sürüb.
"Güman ki, Putin eyni zamanda iki rolu - yaxşı və pis polis rolunu oynamaqdan bezib və onun özü səlahiyyətləri ötürmək qərarına gəlib. Bundan sonra Putin pis polis rolunu oynamaqda davam edib. Bu rol son vaxtlar onun üçün adi olub", - deyə cümə günü Trend -a elektron poçtla ABŞ-ın Hadson institunun elmi əməkdaşı Piontkovskiy bildirib.
Onun sözlərinə görə, inauqurasiya zamanı öz müsbət imici barədə düşünən müsbət polis rolu həvalə edilmişdir. Politoloq qeyd edib ki, Putin qeyri-konstitusion üçüncü müddətə hakimiyyətdə qalmaq imkanı verən siyasəti yürüdür. "Düşünürəm ki, Medvedevin şəxsi keyfiyyətlərindən asılı olmayaraq, biz Rusiyada hansısa dəyişiklik və yacud yenidənqurma gözləməməliyik. Təssəvvür edə bilərsiz Xruşşov Kommunist Partiyasının 20-ci qurultayında öz məhşur məruzəsini oxuyur və eyni zamanda Stalin sağdır və həmin qurultayda iştirak edir?", - deyə Piontkovskiy vurğulayıb.
Ekspertin sözlərinə görə, Rusiyada çekistlərin müxtəlif klanları arasında milyard dollarlıq maliyyə resurslarına nəzarət uğrunda mübarizə gedir və Putin gələcəkdə də hökumət başçısı səlahiyyətlərindən yararlanaraq həmin klanlar arasında vasitəçi rolunda çıxş edəcək. "Ehtimal etmək olar ki, Putinin qərarlarından narazı qalan bəzi hökumət üzvləri prezident Medvedevi öz tərəflərinə çəkməyə və onu real çara çevirməyə çalışacaqlar. Burada aparıcı klanların bir-birinə necə münasibət göstərəcəyi - yəni müharibə aparacaqları və yaxud da müəyyən balansı qoruyacaqları önəmli deyil. Biz əmin ola bilərik ki, onların rejimi Rusiyanın gələcəyə doğru yolunun qarşısını almaqda davam edəcək və onu tarixi zaman resursundan məhrum edəcək", - deyə Piontkovskiy qeyd edib.
Almaniyalı politoloq Aleksandr Rar isə hesab edir ki, Rusiyada Putin qismində güclü baş nazir fiquru yaranacaq. Onun fikrincə, hakimiyyət səlahiyyətləri və nüfuzuna görə o yalnız Kosıqinin 60-cı illərdəki imkanları ilə müqayisə oluna bilər.
"Prezident Medvedev hələlik kifayət qədər zəif və asılı siyasətçi olacaq. Lakin onun Kremldəki aparatı möhkəmləndikdən sonra o yavaş-yavaş nüfuz baxımdan Putini ötüb keçəcək", - deyə cümə günü elektron poçtla Trend -a Almaniyanın xarici siyasət üzrə Şurasının eksperti Aleksandr Rar bildirib.
O hesab edir ki, Putinlə Medvedev arasında mübarizə getməyəcək. Bununla yanaşı ekspert iki mərkəz arasında aparat müharibələrini istisna etmir.
2007-ci ilin dekabrında prezident Vladimir Putin prezidentliyə namizəd qismində baş nazirin birinci müavini Dmitri Medvedevin namizədliyini dəstəkləyib. Medvedevin namizədliyini dörd siyasi partiya irəli sürüb. Bunlar "Vahid Rusiya", Rusiya Aqrar Partiyası, "Rusiya patriotları" və "Ədalətli Rusiya" kimi siyasi təşkilatlardır.
Cümə axşamı Putinin hökumət başçısı vəzifəsinə namizədliyinə 392 nəfər səs verib. Kommunist Partiyasının Dumadakı fraksiyasının 56 üzvü isə bunun əleyhinə çıxıb.