Gürcüstan, Tbilisi, 22 may / Trend , müxbir N.Kirtsxaliya/ Gürcüstanın müxalifətdən olan Xristian-Demoktarik Hərəkatının (XDH) fikrincə əgər ekzitpolların məlumatlarına əsaslanılarsa, parlament seçkilərinin nəticələri gözləniləndən aşağıdır.
"9,8 faizsəs dəstəyi səviyyəsində açıqlanan ekzitpol nəticələri gözlənilənlərdən bir qədər aşağıdır. Biz 11 faiz səviyyəsində səs toplamalıyıq və düşünürk ki, MSK-nın yekun göstəriciləri mənim bu gözləntilərimi təsdiq edəcək", - deyə cümə axşamı Trend -a XDH lideri Giorgi Tarqamadze bildirib.
Ötən gecə Gürcüstan TV-nin sifarişi ilə dörd Qeyri-Hökumət Təşkilatı tərəfindən aparılan ekzitpolların nəticələri açıqlanıb. Eksitpolların nəticələrinə əsasən, hakim "Vahid Milli Hərəkat" partiyası Gürcüstanın parlament seçkilərində qətiyyətlə liderlik (63,1%) edir. "Birləşmiş müxalifət - Milli Şura - Yenilər" bloku 14,2 faiz, Xristian-Demokratik Hərəkatı (Giorgi Tarqamadze) 9,5 faiz, Leyboristlər partiyası 7,8 faiz seçici səsi toplayıb. MSK-nın ilkin hesablamalarına görə, XDH hələ ki, 8,15 % seçici səsinə malikdir.
Tarqamadze hesab edir ki, Gürcüstanın parlament seçkiləri zamanı böyük miqyaslı saxtakarlıqlar və qanun pozuntularına baxmayaraq XDH əhalinin ciddi dəstəyini qazana bilib.
"Biz bu seçkilərə böyük əmək sərf etmişik və ciddi insanları XDH-nın ideyalarını dəstəkləməyə inandırmağa səy göstərmişik və düşünürəm ki, partiyamızın bu saata qədər malik olduğu nəticələri ciddi qiymətləndirmək lazımdır", - deyə hərəkat lideri bildirib.