...

Cənubi Qafqaz üzrə məruzəçinin bölgəyə səfəri AŞPA-da müzakirə olunacaq

Siyasət Materials 4 İyun 2008 18:27 (UTC +04:00)

Fransa, Strasburq, 04 iyun / Trend , müxbir A. Məhərrəmli/ Avropa Şurası Parlament Assambleyasının (AŞPA) yay sessiyası çərçivəsində, qurumun Cənubi Qafqazda mədəni irsin vəziyyətinin öyrənilməsi üzrə məruzəçisi Edvard Oharanın bölgəyə səfəri barədə yenidən müzakirələr aparılacaq. Bu barədə Trend News-a AŞPA-nın Mədəniyyət, Elm və Təhsil Komissiyasının katibi Kristofer Qreyson məlumat verib.

Qreyson bildirib ki, Oharanın Azərbaycana səfəri ilə bağlı AŞPA-nın Katibliyi tərəfindən artıq Azərbaycanın ASPA-dakı nümayəndə heyətinə sorğu göndərilib. Lakin Azərbaycan tərəfi hələ sözügedən sorğuya cavab verməyib. Qreysonun sözlərinə görə, bu məsələ yenidən AŞPA-nın iyun sessiyası çərçivəsində, Azərbaycan, Ermənistan və Gürcüstan parlamentarilərinin iştiraki ilə bir daha müzakirə olunacaq.

Baş çəkiləcək abidələrin siyahısını aldıqlarının deyən Qreyson əlavə edib ki, Mədəniyyət, Elm və Təhsil komissiyasının mayın 21-də Parisdə keçirilən iclasında Cənubi Qafqazda mədəni irsin vəziyyətinin öyrənilməsinə dair irəliləyiş sənədi də müzakirə edilib.

Ohara 2005-ci ilin sonlarında Cənubi Qafqaza səfər etməyi planlaşdırırdı. Məruzəçinin səfəri bir neçə dəfə təxirə salınıb və indiyədək baş tutmayıb.

Məqalə müəllifi ilə əlaqə saxlamaq üçün elektron ünvan [email protected]

Xəbər lenti

Xəbər lenti