Azərbaycanın müxalif bloku aksiyaların keçirilməsi barədə qərar verəcək

Azərbaycan, Bakı, 01 iyul/ Trend , müxbir E.Babayev / Azərbaycanın üç müxalifət partiyasının (Xalq Cəbhəsi, Liberal, Vətəndaş və İnkişaf) təmsil olunduğu "Azadlıq" bloku Məclisinin toplantısında kütləvi aksiayların keçirilməsi məsələsi də müzakirə olunacaq. "Məclis iyulun 15-dək keçiriləcək və toplantıda aksiyaların keçirilməsi məsələsi də müzakirə ediləcək"-- bunu cərşənbə axşamı Trend -a blokun üzvü, Vətəndaş və İnkişaf Partiyasının sədri Əli Əliyev deyib.

Trend -un arayışı: Azərbaycanda prezident seçkisi oktyabrın 15-də keçiriləcək. İndiyə qədər Müsavat Partityasının başqanı İsa Qəmbərin, Azərbaycan Demokrat Partiyasının sədri Sərdar Cəlaloğlunun, Yaşıllar Partiyasının sədri Mais Güləliyevin, Bütöv Azərbaycan Xalq Cəbhəsi Partiyasının sədri Qüdrət Həsənquliyevin, Müasir Müsavat Partiyasının sədri Hafiz Hacıyevin namizədliyi təmsil olunduqları partiyalar tərəfindən irəli sürülüb. Bundan başqa, "Azərbaycan Naminə" İctimai Forumun rəhbəri Eldar Namazov müstəqil şəkildə namizədliyini irəli sürüb. Hakim Yeni Azərbaycan Partiyası hazırki dövlət başçısı İlham Əliyevin namizədliyini irəli sürmək niyyətindədir. İqtiadaryönlü Ana Vətən və Sosial Rifah partiyaları da seçkidə İlham Əliyevin namizədliyini müdafiə etmək qərarı veriblər. Üç müxalifət partiyasının (Azərbaycan Xalq Cəbhəsi, Vətəndaş və İnkişaf, Liberal) təmsil olunduğu "Azadlıq" bloku isə, seçkiləri boykot edəcəyi barədə bəyanat verib. Blokun Məclisində bu bəyanat müzakirəyə çıxarılıb, yekun qərar veriləcək.

Əliyev qeyd edib ki, blokun aksiyaları boykot qərarının icrası xarakteri daşıya bilər. "Məclisdə təkcə boykot qərarımız rəsmiləşməyəcək; bu taktikanı müəyyən mənada gerçəkləşdirmək üçün addımlar nəzərdən keçiriləcək" - deyə o əlavə edib.

Vətəndaş və İnkişaf Partiyası 2006- cı ildə təsis olunub. Həmin vaxtadək bu partiyanın üzvləri Azərbayan Milli İstiqlal Partiyasında (AMİP) təmsil olunublar. AMİP- də baş vermiş parçalanma nəticəsində, Əli Əliyevin tərəfdarlı öz qurultaylarını keçirərək, VİP-i təsis ediblər. VİP "Azadlıq" siyasi blokunun üzvüdür.

Məqalə müəllifi ilə əlaqə ünvanı: [email protected]