Azərbaycan, Bakı, 18 iyul/ Trend , müxbir R.Novruzov/ Növbəti həftə Moskvada Ermənistan-Azərbaycan münaqişəsinin dinc yolla nizamlanması məsələlərini müzakirəsi planlaşdırılır.
"Moskvada ATƏT-in Minsk Qrupu həmsədrlərinin Azərbaycan və Ermənistanın xarici işlər nazirləri Elmar Məmmədyarov və Edvard Nalbandyanla danışıqları nəzərdə tutulub", - ATƏT-in Minsk Qrupunun rusiyalı həmsədri Yuri Merzlyakov News-a bildirib. Rusiyalı vasitəçi Moskvadan telefonla bildirib ki, bu görüşə dair nazirlərin razılığı alınıb və onun tarixi və formatını dəqiqləşdirmək qalır.
Danışıqlar münaqişənin Madrid nizamlanma prinsipləri əsasında keçiriləcək. 2007-ci ilin noyabrında ATƏT-in Minsk Qrupunun həmsədrləri Madriddə, Qarabağ münaqişəsinin dinc nizamalanmasına dair baza prinsipləri nəzərdən keçirmək üçün Ermənistan və Azərbaycan prezidentlərinə təqdim ediblər. Həmsədrlər "Madrid təklifləri"ni ədalətli və balanslaşdırılmış hesab edirlər.
İki Cənubi Qafqaz ölkəsiarasında münaqişə 1988 - ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Dağlıq Qarabağ və ona bitişik yeddi rayon - Azərbaycan ərazisinin 20 faizi Ermənistan Silahlı Qüvvələrinin işğalı altındadır 1994 - cü ilin mayında tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki nəticəsiz, sülh danışıqları aparılır.
Azərbaycan XİN -in mətbuat katibi Xəzər İbrahim Moskvada danışıqların keçirilməsi ehtimalını da istisna etməyib.
Müəlliflə əlaqə saxlamaq üçün elektron ünvan - [email protected]
