Azərbaycan, Gəncə,21 iyul / Trend , müxbir V. Məmmədov/ Bu ilin ilk altı ayında Gəncə şəhər Polis İdarəsi əməkdaşları tərəfindən qanunsuz dövriyyədən 17 kiloqram narkotik maddə çıxarılıb.
Trend -un məlumatına görə, bu müddətdə narkotik maddələrin qanunsuz saxlanması ilə bağlı 34, satışı ilə əlaqədar 8 cinayət faktı qeydə alınıb.
Gəncə şəhər Polis İdarəsinin rəis müavini İlqar Balakişiyev bildirib ki, 2008-ci ilin ilk altı ayı ərzində Gəncə şəhər hüquq mühafizə orqanları tərəfindən qanunsuz dövriyyədən çıxarılan narkotiklərin 9,9 kq-ı marixuana, 24,7 qr-ı heroin, 3 kq 265 qr-ı həşiş və digərləri təşkil edib.
2007-ci ilin müvafiq dövründə Gəncə şəhər Polis İdarəsi tərəfindən 3 kq narkotik maddə qanunsuz dövriyyədən çıxarılıb.
Müəlliflə əlaqə saxlamaq üçün elektron ünvan - [email protected]