Azərbaycan, Bakı, 29 sentyabr/ Trend , müxbir R.Novruzov/ Almaniyada qaçqın statusu almaq istəyən azərbaycanlıların qeyri -leqal mühacir problemi qismən həll olunub."Qeyri-leqal mühacir problemi bu gün o qədər də kəskin deyil, belə ki, ilin əvvəlində bu problem qismən həll edilib", - deyə Trend - a bazar ertəsi Almaniyanın Azərbaycandakı səfiri Pyer Stankina bildirib.
Diplomatın sözlərinə görə, Almaniyanın Daxili İşlər Nazirliyi bu problemin həlli ilə ciddi şəkildə məşğul olub. Almaniyanın hökumət üzvlərindən ibarət nümayəndə heyəti iki dəfə Bakıya səfər edib. Səfərlərdə qeyri - leqal yollarla Almaniyaya gəlib, siyasi sığınacaq istəyən azərbaycanlıların qaytarılması ilə bağlı danışıqlar aparılıb. Mühacirlərin bir hissəsi vətənlərinə qaytarılıb. 2007 - ci ilin sonuna olan statistikaya görə, Almaniyada Azərbaycandan olan qeyri - leqalların sayı təqribən 6500 nəfər təşkil edir. Bu qaçqınların bir hissəsi, özlərini Azərbaycan vətəndaşı kimi təqdim edərək, Almaniyada siyasi sığınacaq almağa cəhd göstərən milliyətcə ermənilərdir. Məqalə müəllifi ilə əlaqə ünvanı - trend
