Azərbaycan, Bakı, 04 oktyabr / Trend / Azərbaycanın cənub-qərbində yerləşən (paytaxt Bakıdan 270 kilometr aralı) Füzuli rayonunun Horadiz şəhərinə təbii qazın verilməsi bərpa olunub.
Oktyabrın 4-də prezident İlham Əliyev bu münasibətlə keçirilən mərasimdə iştirak edib.
Dövlət başçısı əvvəlcə
Ağdam, Ağcabədi, Beyləqan və Füzuli
rayonlarının, o cümlədən Horadiz
şəhərinin qaz təchizatı sxemi ilə tanış olub.
"Azəriqaz" QSC-nin sədri Əlixan Məlikov məlumat verib
ki, layihənin birinci mərhələsində təxminən
69 kilometr uzunluğunda qaz kəmərinin çəkilməsi
nəzərdə tutulmuşdu. Horadiz şəhərində
qazpaylayıcı xəttin uzunluğu 8600 metr olacaq. İndiyədək
6 min metr qaz xətti çəkilib. Bütövlükdə
2050 evin qazlaşdırılması nəzərdə tutulur.
Hələlik 300 evə mavi yanacaq verilir.
Prezidentə ümumən respublikada qazlaşdırmanın
vəziyyəti barədə də məlumat verilib. Bildirilib
ki, 2008-ci ildə Azərbaycanda 1 milyon 374 min 468 əhali
abonentinə qaz verilir ki, bu da 83,6 faiz deməkdir. 2013-cü
ilə qədər həmin abonentlərin sayının 1
milyon 484 min 622-yə çatdırılması nəzərdə
tutulur. Təbii qazdan istifadə edən əhalinin
evlərində və mənzillərində 1 milyon 105 min 715
sayğac qoyulub. Prezident İlham Əliyev Horadiz
şəhərinə təbii qazın verilməsinin
bərpasını bildirən məşəli
alovlandırıb və mərasimdə çıxış
edib.
Sonra dövlətimizin başçısı və xanımı sakinlərlə görüşüblər. Horadizlilər ölkədə aparılan iqtisadi islahatları, əhalinin yaşayışının yaxşılaşdırılması üçün görülən işləri yüksək qiymətləndiriblər.
Məqalə müəllifi ilə əlaqə: [email protected]