Əfqanıstan, Kabil, 03 noyabr / Trend , müxbir A.Hakimi/ Onlarla Taliban döyüşçüsü Əfqanıstan hökumətinin tərəfinə keçib. Bu, BMT-nin onların sülh prosesinə yardım etməli olmalarına dair çoxsaylı dəlillər gtirməsindən sonra baş verib.
Əfqanıstanın qərb əyalətləri Qerat və Fərrahda Taliban hərəkatının otuz qiyamçısı silahı yerə qoyaraq, hökumətin tərəfinə keçib. Onların arasında hökumət və xarici qoşunlara hücumların təşkilində şübhəli bilinən iki Taliban komandirinin olduğu da bildirilir. Qərbi Əfqanıstanda sılhməramlı komissiyanın rəhbəri Həzrət Şərif Mucəddidin sözlərinə görə, onların komandanlığı altında mindən çox yaraqlı olub.
Liderlər hökumət onlara kömək edərsə, tabeliklərində olanların tərkisilah edilməsinə yardım edəcəklərinə vəd veriblər. Ölkənin rəsmi şəxsləri hesab edirlər ki, Əfqanıstandakı sulh prosesi dünya ictimaiyyəti və hökumətin ciddi dəstəyini tələb edir.
BMT Ofisinin rəhbəri Əbdül Səməd Heydərov qiyamçıların silahı yerə qoymaq barədə qərarını alqışlayıb və BMT-nin sülh prosesinə köməyinin artırılacağına söz verib. Ötən həftə "Cerqa" sazişi imzalanıb, Pakistan və Əfqanıstan rəsmiləri sərhədlərin hər iki tərəfi üzrə qiyamçılarla sülh danışıqlarının aparılması mövqeyindən çıxış ediblər.
Məqalə müəllifi ilə əlaqə ünvanı - trend