Azərbaycan, Bakı, 07 noyabr / Trend , müxbir A.Hüseynbala/ Azərbaycanda prezident seçkisi ərəfəsi yaranan Müxalifətin Əməkdaşlıq Mərkəzində ciddi narazılıq yaranıb.
"Azərbaycan Naminə" İctimai Forumun rəhbəri Eldar Namazovla Müsavat Partiyası, AXCP ilə Müsavat arasında ciddi fikir ayrılığının olmasını danmaq olmaz", - cümə günü Trend -a müxalif Azərbaycan Demokrat Partiyasının (ADP) sədri Sərdar Cəlaloğlu bildirib.
Trend - un arayışı: Müxalifətin Əməkdaşliq Mərkəzinə "Azadlıq" bloku (Azərbaycan Xalq Cəbhəsi, Liberal, Vətəndaş və İnkişaf partiyalari), Müsavat Partiyasi və "Azərbaycan Naminə" İctimai Forum (ANİF) daxildir. Sentyabrın əvvəlində bu siyasi təşkilatlar oktyabrin 15 - də keçirilən prezident seçkisini qanunsuz tanımaq barədə birgə bəyanat imzalayıblar. Bəyanatda prezident seçkisindən sonra formalaşacaq hakimiyyət qeyri-legitim elan edilib.
Seçkidən sonra müxalifətin daha geniş koalisiyada birləşməsi istiqamətində danışıqlar başlasa da, qarşılıqlı ittihamlar nəticəsində hələki müxalifətin geniş koalisiyasının yaranması baş tutmur.
Cəlaloğlunun sözlərinə görə, müxalif hərəkatların prezident seçkisi ərəfəsi çox ciddi birliyinin baş tutmaması böyük səhf olub: "Müxalifətin daha geniş tərkibdə birliyinin seçkidən sonraya saxlanılması müxalif hərəkatlar arasında yeni ziddiyyətlərin yaranması ilə nəticələnəcək" - ADP sədri deyib.
Onun fikrincə, indi müşahidə olunan narazılıq təbiidir: "İndi başqa istiqamətdə axtarışlar gedir. Ona görə müxalifətin güc mərkəzinə çevrilməsinin, yaxud çevrilməməsinin günahı bundan sonra təşəbbüs göstərən qüvvələrin üzərinə düşəcək", - Cəlaloğlu vurğulayıb.
"Bəziləri hesab edirlər ki, yeni birliyin yaranma prosesini tələsmədən aparmaq lazımdır. Düşünürəm ki, hamımız bir-birimizi çoxdan tanıdığımızdan prosesi yubatmaq olmaz", - cümə günü Trend -a "Azərbaycan Naminə" İctimai Forumun prezidenti Eldar Namazov deyib.
Onun sözləriən görə, ciddi siyasi proseslərə hazırlıq üçün ən azı bir il lazımdır: "Azərbaycanda ya bu birlik alınmır, ya da seçkiyə iki-üç ay qalmış birliyə bənzər bir şey yaranır", - ANİF rəhbəri bildirib.
Namazov deyib ki, təkcə ADP, KXCP və AMİP-in yox, daha çox sayda quvvələrin bir yerdə olmasını istəyir: "Ancaq istəklə reallıq fərqlidir. Bütün subyektiv səbəbləri aradan qaldırıb real müxalif qüvvələrin kifayət qədər böyük bir birliyinə nail olmalıyıq", - Namazov vurğulayıb.
Məqalə müəllifi ilə əlaqə ünvanı: [email protected]
