Azərbaycan, Bakı, 10 noyabr / Trend , müxbir S. Kazımlı / Bakının Yasamal rayonunda tikinti şirkətlərinin birinin briqada rəhbəri hündürmərtəbəli binadan yıxılaraq ölüb. Bu barədə Yasamal rayon Prokurorluğundan bazar ertəsi Trend -a məlumat verilib.
Məlumata görə, bazar günü "Kənan" MMC-nin briqada rəhbəri, 34 yaşlı İmişli rayon sakini Eldəniz Məmmədov rayonun 7-ci Alatava küçəsi ilə Dadaş Bünyatov küçəsinin kəsişməsində yerləşən və "Natiq" MMC-yə məxsus hündürmərtəbəli binanın 8-ci mərtəbəsindən yıxılaraq ölüb. Hadisənin hansı şəraitdə və necə baş verməsi araşdırılır.
Faktla bağlı Yasamal rayon Prokurorluğunda Azərbaycan Cinayət Məcəlləsinin texniki təhlükəsizlik və ya əmək mühafizəsinin başqa qaydalarına riayət edilməsi vəzifəsi həvalə edilmiş şəxs tərəfindən bu qaydaların pozulması nəticəsində ehtiyatsızlıqdan insan ölümünə səbəb olduqda (162.2-ci) maddəsi ilə cainayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
